A crise carnívora

Grazas ao Pacto Vexetariano, todos os animais conviven en paz e harmonía. Todos agás un: a hiena Crevel, que vive coa angustiosa sensación de non volver a comer carne. Decidida a acougar o seu apetito, unha noite Crevel acude ao cemiterio disposta a devorar os cadáveres, mais non o pode facer: non hai ningún! O león Pérsicus e mais o seu conselleiro, o tigre Altaicus, organizaron toda unha rede alimentaria cos finados para manteneren os seus hábitos carnívoros. Ao seren descubertos, acusan a Crevel da brutal profanación, obrigándoa a fuxir da ira dos herbívoros. Pero Crevel voltará do exilio cun plan para derrocar aos felinos. Agochada baixo o disfrace do xabarín Willy, propone aos herbívoros unha gran alianza para tomaren o poder, valéndose da lembranza dun heroe lexendario que se dera enfrontado no seu día ao conselleiro Altaicus: o lobo Wolfeimer.