သော့ချက်စာလုံး Dead Dog

ဒီရုပ်ရှင်ကတော့ ၂၀၂၂ ထွက် သိပ္ပံစိတ်ကူးယဉ် ဟော်ရာအမျိုးအစားပါပဲ။ ဒီအရုပ်ကတော့ ချက်ကီလိုပဲ ကြောက်စရာအရုပ်ပါပဲ။ မက်ဂန်ဟာ အရုပ်ကုမ္ပဏီတစ်ခုက သိပ္ပံပညာရှင် မိန်းကလေးတစ်ယောက်ကနေ ဖန်တီးထားတဲ့အရုပ်ပါပဲ။မူရင်း ပရိုဂရမ်ကတော့ ကလေးတွေကို အဖော်ပြုပေးရင်းနဲ့အမူအကျင့်တွေသင်ယူပြီး ကလေးတွေကို သင်ပေးနိုင်အောင်၊ကာကွယ်နိုင်အောင်ဖန်တီးထားတာပါ။ အရုပ်ရဲ့ ပထမဆုံးအဖော်ပြုရမယ့်ကလေးကတော့ ကေဒီဆိုတဲ့ ကလေးမလေးဖြစ်ပြီး ကေဒီဟာ မိဘနှစ်ပါးလုံး ကားအက်ဆီးဒန့်နဲ့ ဆုံးသွားတာကြောင့်မိဘမဲ့ ဖြစ်လာတဲ့ ကလေးပါ။ ဒီတော့ သူကလည်း မက်ဂန်အရုပ်ကိုအရမ်းကို သံယောဇဉ်ဖြစ်လာခဲ့ပါတယ်။ ဒါပေမဲ့ ကလေးကိုကာကွယ်ဖို့ အဓိကပရိုဂရမ်က အရမ်းအားကောင်းလာတဲ့အခါမက်ဂန်ဟာ ကလေးအတွက် အန္တရာယ်ဖြစ်လာနိုင်တဲ့ အရာရာကိုရှင်းပစ်ဖို့ ကြိုးစားလာပါတော့တယ်

မင်းသားကြီး Liam Neesonရဲ့အသစ်ထွက်ရှိထားတဲ့ actionဇာတ်ကားကောင်းကိုတင်ဆက်ပေးလိုက်ပါတယ်ဂျင်ဟမ်ဆမ်ဟာ ရေတပ်ကစစ်သားဟောင်းတစ်ယောက်ဖြစ်ပြီး နယ်စပ်မှာမွေးမြူရေးခြံအလုပ်လုပ်နေသူတစ်ယောက်ဖြစ်ပါတယ် နယ်စပ်ကိုတရားမဝင်ခိုးဝင်လာတဲ့လူတွေကိုလည်း သူက ရဲလက်ကိုအပ်ပေးပြီးအကူအညီပေးလေ့ရှိပါတယ်တစ်နေ့မှာ မစ်ဂဲရီဆိုတဲ့ကောင်လေးနဲ့သူ့ရဲ့အမေက သူတို့ကိုဒုက္ခလိုက်ပေးနေတဲ့ဂိုဏ်းရဲ့အန္တရာယ်ကလွတ်ရာကိုထွက်ပြေးဖို့ နယ်စပ်ကိုတရားမဝင်ဖြတ်လာခဲ့ပါတယ် အဲ့ဒီမှာ ဂျင်နဲ့တိုးပြီး ဂျင်က သူတို့ကို ရဲလက်အပ်ဖို့လုပ်နေစဉ်မှာပဲ ဂိုဏ်းကလူတွေနဲ့အပြန်အလှန်ပစ်ခတ်မှုတွေဖြစ်ပြီး ကောင်လေးရဲ့အမေသေသွားခဲ့ပါတယ်ထိုအမျိုးသမီးချန်ထားခဲ့တဲ့အိတ်ထဲမှာ ငွေတွေအများကြီးကိုသူတွေ့ခဲ့ရပါတယ် တစ်ဖက်မှာလည်းဂျင်က ငွေကြေးအဆင်မပြေလို့ အိမ်နဲ့ခြံကိုလက်လွှတ်ဆုံးရူံးရတော့မယ့်အချိန်ပါ ငွေတွေကို ဂျင် ယူသွားမှာလား မစ်ဂဲရီဆိုတဲ့ကောင်လေးကိုရောဘယ်လိုအကူအညီပေးမှာလဲ သူ့အမေထားခဲ့တဲ့ငွေတွေကို ဂျင်သိမ်းထားတာသိသွားရင် သူတို့ဘာတွေဆက်ဖြစ်ကြမလဲဆိုတာ စောင့်ကြည့်ရမှာပဲဖြစ်ပါတယ်

ပုံမှန်လေယာဉ်ပြန်ပေးဆွဲကားတွေနဲ့ မတူတာက လေယာဉ်ပေါ်မှာ ပြန်ပေးဆွဲသမားတွေအပြင် ဗန်ပိုင်းယားတွေပါပါလာလို့ပါ။ဇာတ်လမ်းပုံစံလေးကတော့ အီးလီးယတ်စ်ဆိုတဲ့ကောင်လေးနဲ့ သူ့အမေရယ်က သူ့အမေဆေးကုဖို့အတွက် ဂျာမနီကနေ နယူးယောက်ကိုသွားမယ့် လေယာဉ်ပေါ်မှာလိုက်ပါလာကြတယ်။ လေယာဉ်ထွက်ပြီးတော့ ပြန်ပေးဆွဲသမားတွေက လေယာဉ်ကိုထိန်းချုပ်လိုက်တယ်ပေါ့။ ရုန်းရင်းဆန်ခတ်ဖြစ်ကြရင်းနဲ့ အီးလီးယတ်စ်ရဲ့အမေ သေနတ်နဲ့အပစ်ခံလိုက်ရတယ်။သေပြီလို့ထင်ထားပေမဲ့ ကောင်းဆိုးဝါးပုံနဲ့ပြန်နိုးထလာပြီး လေယာဉ်ကို ပြန်ပေးဆွဲသမားတွေလက်ထဲကနေပြန်ရယူဖို့ကြိုးစားပါတော့တယ်။ ဒါပေမဲ့ ဗန်ပိုင်းယားပိုးက ထိန်းချုပ်လို့မရတော့တဲ့အခါမှာတော့ ပြန်ပေးဆွဲသမားတွေ၊ ဗန်ပိုင်းယားတွေနဲ့ ခရီးသည်တွေ ဘယ်လိုရင်ဆိုင်ကြမှာလဲ၊ အီးလီးယတ်စ်အမေကရော ဘာကြောင့်ဗန်ပိုင်းယားပြောင်းသွားရတာလဲ၊ လေယာဉ်ကရော ဘေးကင်းကင်းနဲ့ဆင်းသက်နိုင်ဦးမှာလား ဆိုတာတွေကို စိတ်ဝင်စားဖွယ်ကြည့်ရှုကြရမှာပါ။ ဗန်ပိုင်းယားတွေပါပေမဲ့ ပေါတောတောမဟုတ်ဘဲ ပျင်းချိန်မရဘဲကြည့်ကောင်းတဲ့ဇာတ်လမ်းလေးဖြစ်ပါတယ်။