ဆစ်ဒနေဆိုတဲ့ ကောင်မလေးဟာ သူမရဲ့အမေကို မုဒိန်းကျင့်ပြီးလူသတ်မှုတစ်ခုမှာ တစ်ခုမှာ ဆုံးရှုံးခဲ့ရတာပါ။ အဲလိုနဲ့ စိတ်ဒဏ်ရာရနေတဲ့ ဆစ်ဒနေဟာ ဘဝကိုပြန်လည်တည်ဆောက်ဖို့ကြိုးစားနေတုန်း ၁ နှစ်ပြည့်သွားတဲ့အချိန်မှာပဲ သူ့အမေတုန်းကလို လူသတ်မှုတွေ ဖြစ်လာပါတော့တယ်။ ထူးဆန်းတာက သူ့အမေကိုသတ်ခဲ့တယ်လို့ သံသယရှိသူကို ထောင်ထဲထည့်ပြီးသွားပြီ ဖြစ်နေလို့ပါ။ ဒီတော့ အခုဖြစ်လာတဲ့ လူသတ်မှုတွေရဲ့ နောက်ကွယ်က တရားခံကဘယ်သူတွေလဲ? သူတို့ရဲ့ ရည်ရွယ်ချက်က ဘာလဲ? အရင်လူသတ်မှုနဲ့ ဘယ်လိုဆက်စပ်နေလဲ?
အင်ဒီယာနာဂျုန်းစ် ဆိုတာနဲ့ လူတိုင်းနီးပါးကြားဖူးကြမှာပါ။ အက်ရှင် ကိုမှ သည်းထိတ်ရင်ဖိုနဲ့ရောထားပေးပြီး ရသပေါင်းစုံပေးခဲ့တဲ့ ဇာတ်လမ်း တွေပဲ ဖြစ်ပါတယ်။ 1981 က ထွက်ရှိခဲ့တဲ့ Raiders of the Lost Ark ကတော့ ပထမဆုံးကားဖြစ်ပြီး “ခရစ်ယာန်ဘာသာဝင်တို့ရဲ့ ပညတ်တော် ဆယ်ပါးကို ထိန်းသိမ်းထားတဲ့ စမ္မကျမ်းသေတ္တာကြီး ရှာဖွေခြင်း” ပဲဖြစ်ပါတယ်။ ရှေးဟောင်းသုတေသနဗေဒပညာရှင် ပါမောက္ခ အင်ဒီယာနာ ဂျုန်းစ်က သမိုင်းဝင်ပစ္စည်းတွေ ရှာဖွေစုဆောင်းရတာကိုကြိုက်တဲ့ နည်းတူလျှို့ဝှက်တာဝန်တစ်ခုပေးအပ်ခံရပါတယ်။ အရေးကြီး ပစ္စည်း တစ်ခုကလည်း ချစ်သူဟောင်းမေရီယွန်ဆီမှာရှိနေတဲ့အခါ နှစ်ယောက်အတူတူ သေတ္တာရှာပုံတော်ဖွင့်ရပါတော့တယ်။ ဒါပေမယ့်လည်း ပြိုင်ဖက် ဖြစ်သူ ဘဲလော့ခ် နဲ့တွေ့ပြီး သေတ္တာကြီးကိုလုကြရင်း ဘာတွေဆက်ဖြစ်ကြမလဲဆိုတာတော့ စောင့်မျှော်ကြည့်ရှုပေးကြပါဦး
ဂိတ်စ်တွေဟာ ဘိုးဘေးဘီဘင်ခေတ်ကတည်းကကို ဝှက်စာဖော်တာတွေ ရတနာသိုက်ရှာတာတွေ လုပ်ခဲ့ကြတဲ့သူတွေပေါ့။ မရှိဘူးလို့ ထင်ကြတဲ့ ရတနာသိုက်ကို ရှာရင်း လူတွေက အရူးလို့ သမုတ်တာခံထားရတဲ့လူတွေဆိုလည်း မမှားဘူး။ ဘန်ဂိတ်စ်လက်ထက်မှာတော့ သူတို့မျိုးရိုးရဲ့ ဒီအလှောင်ခံရသမှုကို ချေဖျက်ဖို့ ရတနာသိုက်ကို အရရှာဖို့လုပ်ခဲ့တယ်။ ဒီလိုနဲ့ ရတနာသိုက်ရဲ့ သဲလွန်စနောက်ကို လိုက်ရင်း အမေရိကန်တည်ထောင်သူဖခင်ကြီးတွေ၊ လွတ်လပ်ရေးကြေညာစာတမ်းတွေ အစရှိသဖြင့် အမေရိကန်သမိုင်းရဲ့ အထင်ကရအရာတွေနဲ့ ဆက်စပ်လာခဲ့တယ်။ ဖရီးမေဆင်တွေရဲ့ လျှို့ဝှက်ချက်တွေကိုလည်း ဖော်ရဖို့ဖြစ်လာတယ်။ ဒီလိုဖော်ရင်း သူ့သူငယ်ချင်းတစ်ယောက် သစ္စာဖောက်တာခံလိုက်ရပေမဲ့ ဒီအမွေအနှစ်တွေကိုချစ်တဲ့ အဘီဂေးလ်လို့ ခေါ်တဲ့ မော်ကွန်းတိုက်မှူးလေးရယ်၊ နည်းပညာကျွမ်းကျင်တဲ့ သူ့သူငယ်ချင်း ရိုင်လေရယ်ရဲ့ အကူအညီနဲ့ လွတ်လပ်ရေးကြေညာစာတမ်းကြီးကို ခိုးပြီး ရတနာသိုက်ရှာဖို့ ကြိုးစားရာက FBI ကရော လူဆိုးတွေကရော လိုက်နေတဲ့ကြားက နှစ်ပေါင်းများစွာ ဘယ်သူမှ ရှာမတွေ့ခဲ့တဲ့ ရတနာသိုက်ကို ရှာတွေ့နိုင်ဖို့ ကြိုးပမ်းကြရတော့တယ်။
အင်ဒီယာနာဂျုန်းဇာတ်လမ်းတွဲရဲ့ ၄ ကားမြောက် ဇာတ်ကားဖြစ်ပါတယ်။ တတိယမြောက်ဇာတ်ကား Indiana Jones and the Last Crusade ဇာတ်ကားထွက်ပြီး ၁၉ နှစ်အကြာမှထွက်ရှိခဲ့တာဖြစ်ပါတယ်။ ဒီဇာတ်ကားမှာတော့ ဒေါက်တာဂျုန်းစ်ရဲ့ ဘဝဇာတ်ကြောင်း ပါလာမှာဖြစ်ပြီး မထင်ထားတဲ့လှည့်ကွက်တွေကိုလည်းရှုစားရဦးမှာပါ။ ဆိုဗီယက်ယူနီယံကသူလျှိုဟာ အမေရိကန်မြေပေါ်ကို ကျူးကျော်လာပြီး ဒေါက်တာ ဂျုန်းစ်ကိုဖမ်းသွားခဲ့အခါ ဒေါက်တာဂျုန်းစ်တစ်ယောက်ပြဿနာတွေတက်ခဲ့ပါတော့တယ်။ ဆန်းကြယ်မှုတွေ စွမ်းအားတွေပြည့်နှက်နေတဲ့ ကျောက်အရိုးခေါင်းတစ်ခုကိုရှာရဖို့ဖြစ်လာတဲ့အခါမှာတော့ မတ်ဆိုတဲ့ကောင်လေးနဲ့အတူ စွန့်စားခန်းဖွင့်ရပါတော့တယ်။ ဒါပေမယ့်လည်း အရိုးခေါင်းရဲ့ပိုင်ရှင်ဟာသဘာဝနယ်လွန် သက်ရှိတစ်မျိုးဖြစ်နေတဲ့အခါမှာတော့…. ဒီကားဟာဝေဖန်ရေးသမားတွေရဲ့ မှတ်ချက်ကောင်းတွေကို ရရှိခဲ့ပြီး အရှေ့က ၃ ကားလိုပဲ ဝင်ငွေကောင်းခဲ့တဲ့ ကားပဲဖြစ်ပါတယ်။ ၅ ကားမြောက် အင်ဒီယာနာဂျုန်းစ်ဇာတ်ကားကိုတော့ ၂၀၂၂ ခုနှစ် ဇူလိုင် ၂၉ မှာထွက်ရှိမယ်လို့လျာထားပြီး မင်းသားကြီး Harrison Ford ကပဲ ပြန်လည်သရုပ်ဆောင်ဦးမှာဖြစ်ပါတယ်။
အင်ဒီယာနာဂျုန်းစ်ရဲ့ တတိယမြောက်ကားဖြစ်ပြီး ၁၉၈၉ ခုနှစ်မှာထွက်ရှိထားတာပဲဖြစ်ပါတယ်။ ရှေးဟောင်းအမွေအနှစ်တွေကို သက်စွန့် ဆံဖျားလိုက်လံရှာဖွေတတ်တဲ့ ဒေါက်တာဂျုန်းစ်တစ်ယောက်က အခုတစ်ခေါက်မှာတော့ ‘ခရစ်တော်ရဲ့ နောက်ဆုံးညစာ စားပွဲမှာ အသုံးပြုခဲ့တဲ့ ခွက်’ ကိုလိုက်ရှာမှာပဲဖြစ်ပါတယ်။ ဇာတ်လိုက်အသစ်တစ်ယောက်လည်း ထပ်ပါလာမှာဖြစ်ပြီး သူကတော့ အရှေ့နှစ်ကားမှာ မပါခဲ့တဲ့ ဒေါက်တာဂျုန်းစ်ရဲ့အဖေပဲဖြစ်ပါတယ်။ တစ်ဖက်မှာလည်း နာဇီဂျာမဏီတွေက သခင်ယေရှုရဲ့ခွက်ကို အသည်းအသန်လိုက်ရှာနေကြတဲ့အတွက် သားအဖနှစ်ယောက်က ဘယ်လိုပူးပေါင်းပြီး ခွက်ကိုရအောင်ယူမလဲဆိုတာ စိတ်ဝင်စားစရာပါပဲ။ The last crusade ဆိုတဲ့အတိုင်း နောက်ဆုံးခရူးဆိတ်ဘာသာရေးစစ်ပွဲအပြီး ဘာတွေဖြစ်ခဲ့ကြလဲဆိုတာကိုလည်း သိနိုင်မှာပဲဖြစ်ပါတယ်။ ခရစ်ယာန်တို့ရဲ့ဘာသာရေး ဗဟုသုတ တွေအပြင် အက်ရှင်နဲ့ဟာသကိုပါ တစ်ပါတည်း ကြည့်ရှု ခံစားနိုင်မှာဖြစ်လို့ စောင့်မျှော်ကြည့်ရှုပေးကြပါဦး
အင်ဒီယာနာဂျုန်းစ်ရဲ့ ဒုတိယမြောက် ရုပ်ရှင်ဖြစ်ပြီး action-adventure ပုံစံဖြစ်ပါတယ်။ ပထမကားမှာတော့ ပျောက်ဆုံးနေတဲ့ ဓမ္မကျမ်း သေတ္တာကိုရှာဖွေပြီးတဲ့နောက် ဒုတိယကားမှာတော့ အခိုးခံလိုက်ရတဲ့ အထွတ်အမြတ်ကျောက်တုံးကို ရှာဖွေတော့မှာပဲ ဖြစ်ပါတယ်။ ရှေး သုပညာရှင်ဒေါက်တာဂျုန်းစ်ဟာ တရုတ်လုပ်ငန်းရှင်နဲ့ အပေးအယူလုပ်ရာမှာ ပြဿနာတက်ပြီးနောက် အဆိုတော်မလေး ဝီလီ နဲ့ ကိုယ်ရံတော် တရုတ်ကလေးတစ်ယောက်နဲ့အတူ လေယာဉ်နဲ့ထွက်ပြေးခဲ့ပါတယ်။ ဒါပေမယ့် လေယာဉ်ပျက်ကျပြီး အိန္ဒိယနိုင်ငံကိုရောက်လာကာ ရွာငယ် လေး တစ်ခုက ပျောက်ဆုံးသွားတဲ့ ကျောက်တုံးကို လိုက်ရှာပေးဖို့ ဖြစ်လာပါတော့တယ်။ ဒီကားမှာရော ဘယ်လိုမြုပ်ကွက်တွေနဲ့ဘယ်လို ရှေးဟောင်းသမိုင်းကြောင်းတွေ ပါလာဦးမလဲဆိုတာကို စိတ်ဝင်တစားနဲ့ စောင့်မျှော်ကြည့်ရှုပေးကြပါဦး
ဒီကားမှာတော့ ဘန်ဂိတ်စ်တို့ရဲ့ အဘီ သောမတ်စ်ဂိတ်စ်ဟာ ပြည်တွင်းစစ်ခေတ်က လင်ကွန်းကို လုပ်ကြံဖို့ ကြိုးကိုင်ခဲ့တဲ့သူလို့ စွပ်စွဲခံရပါတယ်။ တကယ်လုပ်ကြံခဲ့တဲ့သူ ဘုရှ်ရဲ့ ပျောက်ဆုံးနေတဲ့ ဒိုင်ယာရီစာရွက်က စာရွက်ပေါ် သောမတ်စ်ဂိတ်စ်နာမည်နဲ့အတူ ပေါ်လာခဲ့လို့ပါပဲ။ သောမတ်စ်ဂိတ်စ်ရဲ့ နာမည်ပျက်ကို ရှင်းဖို့ကတော့ သောမတ်စ်ဂိတ်စ် ဖျက်ဆီးဖို့ ကြိုးစားခဲ့တဲ့ ဘုရှ်ရဲ့စာရွက်ဟာ ရတနာမြေပုံဆိုတာကို သက်သေပြနိုင်မှဖြစ်မှာပါပဲ။ ဒီတော့ ဘန်တို့တွေ ထုံးစံအတိုင်း ရတနာရှာကြဖို့ အကြောင်းဖန်လာခဲ့တယ်။National Treasure ကားတွေရဲ့ ထုံးစံအတိုင်း ပဟေဠိတွေ သမိုင်းတွေ လှိုင်လှိုင်သုံးပြီး သဲလွန်စတွေတစ်ခုပြီးတစ်ခုနောက်လိုက်တာကို အက်ရှင်လေး နည်းနည်းနှောပြီး ပြသွားတဲ့ ရုပ်ရှင်ပါပဲ။ ဒီဒုတိယကားမှာတော့ အထင်ကရနေရာတွေပိုပါလာသလို သမ္မတတွေ ဘာတွေအဆင့်ထိပါ ပတ်သက်လာတဲ့ကားဖြစ်လာပါတယ်။ ထွက်မလာသေးတဲ့ နောက်ကားအတွက် ကြည့်ရှုသူတွေကို သိချင်စိတ် မီးစာပျိုးသွားတဲ့ ကားဆိုလည်း မမှားပါဘူး။
A group of boarding school students embark on the search for a treasure when one of them discovers a long hidden secret in the attic.
Renowned safari hunter Allan Quatermain is lured back into the unknown recesses of the African jungles to find a man who disappeared while searching for the fabled King Solomon's Mines--a destination of legendary riches from which no soul has ever returned alive.
Three teams of contestants go head-to-head in the daytime quiz show presented by Ranvir Singh. They answer questions to unlock a riddle set by the programme's Riddlemaster - Henry Lewis.
In this game of reasoning and smarts, teams comprised of six people who all know each other – co-workers, friends, teammates, etc. – will need to tackle a series of logic-based questions. The more questions the team answers correctly, the more money they will earn towards a grand prize, potentially earning them $1 million.
