Das schaurige Haus

ဟတ်ဒရစ်နဲ့ အဒ်ဒီတို့ ညီအစ်ကိုနှစ်ယောက်ရယ်၊ သူတို့အမေရယ်က သူတို့အမေရဲ့အလုပ်အတွက် ဂျာမနီနယ်စပ်က ရွာလေးတစ်ရွာကို‌ပြောင်းလာခဲ့ကြတယ်။ သားအကြီးဟတ်ဒရစ်ကတော့ ဒီလိုဇနပုဒ်ကိုပြောင်းလာရတာကို သိပ်သဘောမတွေ့လှဘူး။ သူတို့နေရမယ့်အိမ်ကလည်း ကြောက်ဖို့ကောင်းတဲ့ပုံစံနဲ့ အိမ်အိုအိမ်ဟောင်းကြီးဖြစ်နေတယ်။ပြောင်းလာတဲ့ညမှာပဲ သားအငယ် အဒ်ဒီကအိပ်ရင်းလမ်းတွေထလျှောက်တာတွေဖြစ်လာခဲ့တယ်။ နောက်တစ်နေ့ ဟတ်ဒရစ်နဲ့ အဒ်ဒီတို့ ရွာထဲလျှောက်ပတ်ကြည့်ရင်းနဲ့ ဖရစ်ဇ်ဆိုတဲ့ကောင်လေးတစ်ယောက်နဲ့ ရင်နှီးသွားတယ်။ ဖရစ်ဇ်က ဟိုအရင်တုန်းက အဲ့အိမ်ကြီးမှာနေသွားတဲ့ မိသားစုမှာ စိတ္တဇဖြစ်နေတဲ့အမေက သူ့သားနှစ်ယောက်ကိုသတ်ပြီး သူ့ကိုယ်သူလည်းသတ်သေသွားတဲ့အကြောင်း ပြောပြခဲ့တယ်။ ဟတ်ဒရစ်ကတော့ မယုံတစ်ဝက်၊ ယုံတစ်ဝက်ပါပဲ။ဒါပေမဲ့ အိမ်ကြီးမှာ နောက်ပိုင်းကြုံတွေ့လာရတာတွေက ထူးဆန်းသထက်ထူးဆန်းလာတဲ့အခါမှာတော့ ဖရစ်ဇ်ပြောပြတဲ့ဇာတ်လမ်းထဲက မိသားစုကပဲ အိမ်ကြီးကို တကယ်ခြောက်လှန့်နေတာလား၊ တစ်ခြားရောဘာမြှုပ်ကွက်တွေရှိနေဦးမလဲဆိုတာကို ကြည့်ရှုကြရမယ့် Horror ဇာတ်လမ်းလေးဖြစ်ပါတယ်။