Deleter

လိုင်ရာက ဆိုရှယ်မီဒီယာတွေပေါ်ကို အသုံးပြုသူတွေတင်လာကြတဲ့ ဓာတ်ပုံတွေ ဗီဒီယိုတွေထဲက ကြည့်ရှုဖို့မသင့်တော်အောင် ကြမ်းတမ်းရက်စက်တဲ့ ဒါမှမဟုတ် လိင်ပိုင်းဆိုင်ရာတွေကို ပယ်သင့်တာပယ် ခွင့်ပြုသင့်တာခွင့်ပြုပေးရတဲ့ Content Moderator တစ်ယောက်ဖြစ်ပါတယ်။ အလုပ်ရဲ့သဘောသဘာဝအရ စိတ်ထိခိုက်စရာ၊ ခြောက်ခြားစရာတွေကို သူများတွေမကြည့်မိအောင် ကိုယ်တိုင်အစအဆုံးကြည့်ပေးရတဲ့အတွက် စိတ်ဖိစီးမှုများသလို ငယ်ဘဝရဲ့ဒဏ်ရာတွေကလည်း သူ့ကိုခြောက်လှန့်နေပါသေးတယ်။ဒါပေမဲ့လည်း အဲ့ဒီစိတ်သောကတွေကို ဘယ်သူမှမမြင်အောင်ဖုံးဖိထားနိုင်တဲ့အတွက် လုပ်ဖော်ကိုင်ဖက်တွေက သူ့ကို စိတ်ဓာတ်မာကြောသူလို့ယူဆကြပါတယ်။ အဲဒါတွေက သူတို့ရုံးတွင်း လုပ်ဖော်ကိုင်ဖက် အီလင်းဆိုတဲ့ကောင်မလေးတစ်ယောက် သူ့ကိုယ်သူ သတ်သေမသွားခင်အထိပဲဖြစ်ပါတယ်။ အားလုံးက အလုပ်ကပေးတဲ့ စိတ်ဖိစီးမှုကြောင့်လို့ယူဆကြပေမဲ့ တစ်ခြားကောလဟာလတွေလည်းရှိနေတဲ့အတွက် အီလင်းရဲ့သေဆုံးမှုဟာ ပဟေဠိဆန်ပါတယ်။ အဲဒါထက်ပိုဆိုးတဲ့အဖြစ်ကတော့ ကံကွက်ကြားပြီး သူ့အပေါ်ကိုမှ အီလင်းရဲ့ခြောက်လှန့်မှုတွေ စတင်လာခြင်းပါပဲ။